Akkamahadevi:ಕನ್ನಡ ಕುವರಿ ಅಕ್ಕಮಹಾದೇವಿ

ಅಕ್ಕಮಹಾದೇವಿ ಶಿವಮೊಗ್ಗ ಜಿಲ್ಲೆಯ ಶಿಕಾರಿಪುರದ ಉಡುತಡಿಯಲ್ಲಿ  ಶಿವ ಭಕ್ತರಾದ ನಿರ್ಮಲ ಶೆಟ್ಟಿ ಮತ್ತು ಸುಮತಿ ದಂಪತಿಗಳ ಪುತ್ರಿಯಾಗಿ ಜನಿಸಿದರು.

ವೀರಶೈವ ಸಮುದಾಯಕ್ಕೆ ಸೇರಿದ ಆಕೆ 12ನೇ ಶತಮಾನದಲ್ಲಿ ದಕ್ಷಿಣ ಭಾರತದಲ್ಲಿ ಮಹಿಳೆಯರ ಕಲ್ಯಾಣಕ್ಕಾಗಿ ಶ್ರಮಿಸಿದರು. ಸ್ತ್ರೀ ವಿಮೋಚನೆಗಾಗಿ ಟೊಂಕಕಟ್ಟಿದರು.

ಮಗುವಾಗಿದ್ದಾಗಲೇ ತನ್ನ ಧಾರ್ಮಿಕ ಮನಃಸ್ಥಿತಿ ಮತ್ತು ಪ್ರವೃತ್ತಿಯನ್ನು ಪ್ರದರ್ಶಿಸಿ ಸಮಾಜವನ್ನು ಸೆಳೆದಳು.

ಕನ್ನಡ ಸಾಹಿತ್ಯ ಮತ್ತು ಕರ್ನಾಟಕದ ಇತಿಹಾಸಕ್ಕೆ ಸ್ಪೂರ್ತಿದಾಯಕ ಮಹಿಳೆಯಾಗಿ ಕಾಣಿಸಿಕೊಂಡ ಮಹಾದೇವಿಯಕ್ಕನ ಕಾವ್ಯಗಳು ಭಗವಂತನ ವಿವರಣೆಯನ್ನು ಹೊಂದಿವೆ.

ಸುಮಾರು 350 ಭಾವಗೀತೆಗಳು ಹಾಗೂ 430 ವಚನಗಳನ್ನು ಚೆನ್ನಮಲ್ಲಿಕಾರ್ಜುನ ಎಂಬ ಅಂಕಿತನಾಮದಲ್ಲಿ ಆಕೆ ರಚಿಸಿದ್ದಾಳೆ.

ಆಧ್ಯಾತ್ಮಿಕ ಮತ್ತು ದೇಶೀಯ ಅನುಭವಗಳ ಮೇಲೆ ಕನ್ನಡದಲ್ಲಿ ಅವಳಿಂದ ರಚಿಸಲ್ಪಟ್ಟ ಸರಳ ವಚನಗಳು ಅರ್ಥ, ಆಳ ಮತ್ತು ಸಾಹಿತ್ಯದ ಸೌಂದರ್ಯದೊಂದಿಗೆ ಓದುಗರ ಮನಃಸಾಕ್ಷಿಯನ್ನು ಭೇದಿಸುತ್ತವೆ.

ಕನ್ನಡದಲ್ಲಿ ನೀತಿಬೋಧಕ ಕಾವ್ಯದ ರೂಪದಲ್ಲಿರುವ ಅವಳ ವಚನಗಳು ಕನ್ನಡ ಭಕ್ತಿ ಸಾಹಿತ್ಯಕ್ಕೆ ಶ್ರೇಷ್ಠ ಕೊಡುಗೆಯಾಗಿವೆ.

ತನ್ನಂತೆಯೇ ಅನೇಕ ಸಹ ಅನ್ವೇಷಕರನ್ನು ಹುಡುಕಾಡಿ ಶಿವಶರಣರ ಸಾಂಗತ್ಯ ಬೆಳೆಸಿಕೊಂಡಳು.

ಬೀದರ್‌ ಜಿಲ್ಲೆಯ ಬಸವಕಲ್ಯಾಣದಲ್ಲಿ ಶರಣರ ಸಹವಾಸವನ್ನು ಬೆಳೆಸಿ, ಅವರನ್ನು ಸ್ತುತಿಸಿ ಅನೇಕ ವಚನಗಳನ್ನು ಹೇಳುತ್ತಾಳೆ.

ಅಲ್ಲಿನ ಅನುಭವ ಮಂಟಪದಲ್ಲಿ  ಸಾಮಾಜಿಕ ಅಭಿವೃದ್ಧಿ ಸೇರಿದಂತೆ ವಿವಿಧ ವಿಷಯಗಳ ಮುಕ್ತ ಚರ್ಚೆಗೆ ವೇದಿಕೆ ಕಲ್ಪಿಸಿ ಧೈರ್ಯ ತುಂಬಿದಳು.

ಕನ್ನಡ ವಚನ ಸಾಹಿತ್ಯಕ್ಕೆ ಕೊಡುಗೆ ನೀಡಿದ ಅಕ್ಕ ಸದಾ ಸ್ಮರಣೀಯಳು.

-✍️ಸುಬ್ರಹ್ಮಣ್ಯ ಬಾಸ್ರಿ, ಉಡುಪಿ