ಪುತ್ತಿಗೆ ಶ್ರೀಗಳ ಗೀತಾ ಲೇಖನ ಯಜ್ಞಕ್ಕೆ ಮೋದಿ ಶ್ಲಾಘನೆ: ಶ್ರೀಗಳಿಗೆ ಪತ್ರ

ಪುತ್ತಿಗೆ ಶ್ರೀಗಳ ಗೀತಾ ಲೇಖನ ಯಜ್ಞಕ್ಕೆ ಮೋದಿ ಶ್ಲಾಘನೆ: ಶ್ರೀಗಳಿಗೆ ಪತ್ರ

ಲೋಕಬಂಧುನ್ಯೂಸ್ ಡೆಸ್ಕ್

ಉಡುಪಿ, ಏಪ್ರಿಲ್ 4: ಇಲ್ಲಿನ ಶ್ರೀಕೃಷ್ಣ ಮಠದ ಪರ್ಯಾಯ ಪುತ್ತಿಗೆ ಮಠದ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದರು ತಮ್ಮ 2 ವರ್ಷಗಳ ಪರ್ಯಾಯ ಸಂದರ್ಭದಲ್ಲಿ ಹಮ್ಮಿಕೊಂಡಿರುವ ಕೋಟಿ ಗೀತಾ ಲೇಖನ ಯಜ್ಞಕ್ಕೆ ಪ್ರಧಾನಿ ನರೇಂದ್ರ ಮೋದಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಈ ಬಗ್ಗೆ ಶ್ರೀಗಳಿಗೆ ಪತ್ರವೊಂದನ್ನು ಬರೆದಿರುವ ಮೋದಿ, ಗೀತೆಯನ್ನು ಕೈಬರಹದಲ್ಲಿ ಶ್ರೀಕೃಷ್ಣನಿಗೆ ಅರ್ಪಿಸುವ ಕಾರ್ಯ ಅತ್ಯಂತ ಉದಾತ್ತವಾದುದು. ಇದು ಗೀತೆಯ ತತ್ವಗಳನ್ನು ಜನರ ನಡುವೆ ಇನ್ನಷ್ಟು ಪ್ರಚುರಪಡಿಸುತ್ತದೆ ಎಂದಿದ್ದಾರೆ.

ಗೀತೆಯನ್ನು ಓದುವುದರಿಂದ, ಪಠಿಸುವುದರಿಂದ ಅದ್ಭುತ ಲಾಭಗಳಾಗುತ್ತವೆ ಎನ್ನಲಾಗುತ್ತದೆ. ಆದರೆ, ಅದನ್ನು ಬರೆಯುವುದರಿಂದ ಮನಸ್ಸು ಮತ್ತು ಪ್ರಜ್ಞೆಯನ್ನು ಜಾಗೃತಗೊಳಿಸುತ್ತದೆ ಹಾಗೂ ದೈವಿಕ ಸಂಬಂಧವನ್ನು ಜೋಡಿಸುತ್ತದೆ ಎಂದು ಮೋದಿ ಬಣ್ಣಿಸಿದ್ದಾರೆ.

ಭಗವದ್ಗೀತೆಯ ರಾಯಭಾರಿಯಾಗಿ ಪುತ್ತಿಗೆ ಶ್ರೀಗಳು ನಡೆಸುತ್ತಿರುವ ಈ ಕಾರ್ಯ ಶ್ಲಾಘನೀಯವಾದುದು. ಅವರು ಶ್ರೀಕೃಷ್ಣನಿಗೆ ಸಮರ್ಪಿಸುವ ಕೋಟಿ ಗೀತಾ ಲೇಖನ ಯಜ್ಞದಿಂದ ಮಾನನ ಜನಾಂಗಕ್ಕೆ ಕಲ್ಯಾಣವಾಗಲಿ ಎಂದು ಮೋದಿ ಆಶಿಸಿದ್ದಾರೆ.