ಪುತ್ತಿಗೆ ಪರ್ಯಾಯೋತ್ಸವಕ್ಕೆ ವಿಶ್ವಕರ್ಮ ಸಮಾಜದ ಸಹಭಾಗಿತ್ವ

ಲೋಕಬಂಧು ವಾರ್ತೆ

ಉಡುಪಿ, ಅ.4: ಪುತ್ತಿಗೆ ಮಠಾಧೀಶ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದರ ಚತುರ್ಥ ಪರ್ಯಾಯೋತ್ಸವದಲ್ಲಿ ವಿಶ್ವಕರ್ಮ ಸಮಾಜದವರು ಭಾಗವಹಿಸಿ,‌ ಮಹೋತ್ಸವದ ಯಶಸ್ಸಿಗೆ ಸಹಕಾರ ನೀಡುವುದಾಗಿ ತಿಳಿಸಿದರು.

ಈಚೆಗೆ ಪರ್ಯಾಯ ಸ್ವಾಗತ ಸಮಿತಿ ವಿಶ್ವಕರ್ಮ ಸಮಾಜ ಬಾಂಧವರ ಸಭೆ ನಡೆಸಿತು.

ಮಠದ ದಿವಾನ ನಾಗರಾಜ ಆಚಾರ್ಯ ಅವರು ಪುತ್ತಿಗೆ ಪರ್ಯಾಯಕ್ಕೆ ವಿಶ್ವಕರ್ಮ ಸಮಾಜದವರ ವಿಶೇಷ ಸಹಕಾರ ಕೋರಿದರು.

ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಯ ವಿಶ್ವಕರ್ಮ ಒಕ್ಕೂಟ ಅಧ್ಯಕ್ಷ ಮಧು ಆಚಾರ್ಯ, ಪುತ್ತಿಗೆ ಶ್ರೀಗಳ ವೈಭೋಪೇತ ಪರ್ಯಾಯಕ್ಕೆ ನಮ್ಮ ಇಡೀ ಸಮಾಜ ಸ್ವಾಗತ ಸಮಿತಿಯೊಂದಿಗೆ ತೊಡಗಿಕೊಳ್ಳುವುದಲ್ಲದೇ, ಶ್ರೀಗಳ ಕೋಟಿ ಗೀತಾ ಲೇಖನ ಯಜ್ಞದಲ್ಲೂ ಪಾಲ್ಗೊಳ್ಳಲಿದೆ ಎಂದರು.

ಸಭೆಯಲ್ಲಿ ಸಮಾಜದ ಪ್ರಮುಖರಾದ ಯೋಗೀಶ್ ಆಚಾರ್ಯ, ಶೇಖರ ಆಚಾರ್, ಜಿ. ಎ. ಆಚಾರ್, ದಾಮೋದರ ಆಚಾರ್ಯ, ಜಗದೀಶ್ ಆಚಾರ್ಯ, ಕೇಶವ ಆಚಾರ್ಯ, ಯುವ ಸಂಘಟನೆಯ ಸುಧಾಕರ ಆಚಾರ್ಯ, ರವಿಚಂದ್ರ ಆಚಾರ್ಯ, ಮುಕ್ತಾ ಜಗದೀಶ್,  ಸಂಧ್ಯಾ ಲಕ್ಷ್ಮಣ್ ಆಚಾರ್ಯ ಮೊದಲಾದವರು ಇದ್ದರು.

ಶ್ರೀಮಠದ ರಮೇಶ್ ಭಟ್ ಕೆ. ಸ್ವಾಗತಿಸಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಮಹಿತೋಷ್ ಆಚಾರ್ಯ ವಂದಿಸಿದರು. ಸಮಿತಿ ಸದಸ್ಯ ಜಿ. ವಿ. ಆಚಾರ್ಯ, ವಿಷ್ಣುಮೂರ್ತಿ ಉಪಾಧ್ಯ, ರವೀಂದ್ರ ಆಚಾರ್ಯ, ಉಮೇಶ್ ಭಟ್, ಹಾಗೂ ರಘುಪತಿ ರಾವ್ ಕಾರ್ಯಕ್ರಮ ಸಂಯೋಜಿಸಿದ್ದರು.