ಯಜುರುಪಾಕರ್ಮ ಸಂಪನ್ನ

ಲೋಕಬಂಧು ನ್ಯೂಸ್ | ಉಡುಪಿ, ಆ.28

ಶ್ರಾವಣ ಮಾಸದ ಹುಣ್ಣಿಮೆ (ನೂಲಹುಣ್ಣಿಮೆ)  ಶುಕ್ರವಾರದಂದು ಪರ್ಯಾಯ ಶೀರೂರು ಮಠ ಆಶ್ರಯದಲ್ಲಿ ಕೃಷ್ಣ ಮಠದಲ್ಲಿ ಯಜುರುಪಾಕರ್ಮ ನಡೆಯಿತು.

ಅನೇಕ ಮಂದಿ ವಿಪ್ರರು ಋಷಿ- ಪಿತೃ ತರ್ಪಣ, ಹೋಮ ಇತ್ಯಾದಿ ಧಾರ್ಮಿಕ ವಿಧಿ ಬಳಿಕ ನೂತನ ಯಜ್ಞೋಪವೀತ ಧಾರಣೆ ಮಾಡಿದರು.

ಚಂದ್ರಮೌಳೀಶ್ವರ ದೇವಳ

ಮನೋಹರ ತಂತ್ರಿ ನೇತೃತ್ವದಲ್ಲಿ ಉಡುಪಿ ರಥಬೀದಿಯ ಶ್ರೀ ಚಂದ್ರಮೌಳೀಶ್ವರ ದೇವಾಲಯದಲ್ಲಿ   ಯಜುರ್ವೇದೀಯ ಉಪಾಕರ್ಮ ನೆರವೇರಿತು.

ವಿವಿಧ ಬಗೆಯ ಸ್ನಾನವಿಧಿಗಳ ತರುವಾಯ ಋಷಿ- ಪಿತೃ ತರ್ಪಣ ನೀಡಿ, ಹೋಮ ನಡೆಸಿ ಗಾಯತ್ರಿ ಮಂತ್ರದ ಅಭಿಮಂತ್ರಣದೊಂದಿಗೆ ನೂತನ ಯಜ್ಞೋಪವೀತ ಧಾರಣೆ ಮಾಡಲಾಯಿತು.

ಸುಮಾರು 80ಕ್ಕೂ ಹೆಚ್ಚು ವಿಪ್ರಬಂಧುಗಳು, ವಟುಗಳು ಭಾಗವಹಿಸಿದ್ದರು.

ಮುಚ್ಲುಕೋಡು ದೇವಸ್ಥಾನದಲ್ಲಿಯೂ ಯಜುರುಪಾಕರ್ಮ ನಡೆಯಿತು.