ಕೃಷ್ಣಮಠದಲ್ಲಿ ವ್ಯಾಸಪೂಜೆ

ಲೋಕಬಂಧು ನ್ಯೂಸ್ | ಉಡುಪಿ

ಶರನ್ನವರಾತ್ರಿ ಪರ್ವಕಾಲದಲ್ಲಿ ಪರ್ಯಾಯ ಪೀಠಾಧೀಶ ಶೀರೂರು ಮಠಾಧೀಶ ಶ್ರೀ ವೇದವರ್ಧನತೀರ್ಥ ಶ್ರೀಪಾದರು ಶನಿವಾರ‌ ವ್ಯಾಸಪೂಜೆ ನೆರವೇರಿಸಿದರು.

ಕೃಷ್ಣ ಮಠದ ಚಂದ್ರಶಾಲೆಯಲ್ಲಿ ಚಿನ್ನದ ಮಂಟಪದ ಸ್ವರ್ಣಪೀಠದಲ್ಲಿ ಶ್ರೀ ವೇದವ್ಯಾಸ ದೇವರನ್ನಿಟ್ಟು ಪೂಜೆ ಆರಂಭಿಸಿದರು.

ಮೂರು ದಿನಗಳ ಕಾಲ ನಡೆಯುವ  ಈ ಪೂಜೆಯಲ್ಲಿ  ಆಚಾರ್ಯ ‌ಮಧ್ವರ ಕೃತಿಗಳು ಹಾಗೂ ತಾಳೆಗರಿಗಳನ್ನಿಟ್ಟು ಪೂಜಿಸಲಾಗುತ್ತದೆ.

ನವರಾತ್ರಿಯ ಶಾರದಾಪೂಜಾ ನಿಮಿತ್ತ ಮಠೀಯ ಸಂಪ್ರದಾಯದಂತೆ ವ್ಯಾಸಪೂಜೆ ದಿನದ ಮೂರು ಹೊತ್ತು  ಮೂರು ದಿನ ಪರ್ಯಂತ ಪರ್ಯಾಯ ಶ್ರೀಗಳ ಉಪಸ್ಥಿತಿಯಲ್ಲಿ ವ್ಯಾಸಪೂಜೆ ನೆರವೇರುತ್ತದೆ.